काठमाडौँ । श्री एयरलाइन्सको एउटा जहाज आज (मंगलबार) बिहान त्रिभुवन विमानस्थलमा पार्किङबाट रनवेतिर जाँदै गर्दा घाँसे मैदान पुगेको छ।
त्रिभुवन विमानस्थल कार्यालयका अनुसार नेपालगन्ज जान लागेको उक्त जहाज रनवेमा जान लाग्दा घाँसे मैदानतिर गएको छ।
‘पार्किङबाट निस्कने बेलामा जहाजको एक चक्का चिप्लिएर बाहिर गएको हो,’ विमानस्थलका अधिकृत कुशल शर्माले भने ‘जहाजमा कुनै मानविय तथा भाैतिक क्षति भएको छैन।’ जहाजमा यात्रुहरू पनि थिए। हाल अरु उडान प्रभावित नभएकाे शर्माले बताए ।
कार्यविधि संवाददाता । १९ आश्विन २०७८, मंगलवार ११:१७ बजे