सुर्खेत प्रहरीले चितुवाकाे छालासहित चारजनालाई पक्राउ गरेको छ । कर्णाली प्रदेश ब्युराे ,सादा पाेशाक र बड्डीचाैर चाैकी बाट खटिएको प्रहरी टोलीले बराहताल -५ बड्डीचाैर स्थित प्रेम हाेटलबाट चार जनालाई तिन थान चितुवाकाे छाला ,चार थान माेबाइल , सत्ताइस हजार नगद र पैतालिस हजारकाे चेक सहित नियन्त्रणमा लिएकाे प्रहरीले जनाएकाे छ ।
नियन्त्रणमा लिएका मध्ये अछाम पञ्चदेवल नगरपालिका -८ बस्ने वर्ष ३५ का कमल शाही ,वर्ष २२ का चक्र बहादुर शाही ,रामाराेसन नगरपालिका-४ बस्ने वर्ष २१ का उपेन्द्र शाह र दैलेख चामुन्डाबिन्द्रासैनी नगरपालिका -२ बस्ने वर्ष ३५ का बिलम शाही लगायत चार जना रहेकाे जिल्ला प्रहरी कार्यालय सुर्खेतका प्रवक्ता डिएसपी राम प्रसाद घर्ति मगरले बताएका छन् ।
बरामद छालासहित निजहरुलाई आवश्यक कारबाहीका लागि जिल्ला वन कार्यालय पठाइएको प्रहरीले जनाएको छ ।
कार्यविधि संवाददाता । ५ मंसिर २०७८, आईतवार १६:०७ बजे