काठमान्डाै : कतार विरुद्धको मैत्रीपुर्ण खेलमा पोर्चुगलले तीन एकको सहज जीत हासिल गरेकाे छ ।
नियमित कप्तान क्रिस्टियानो रोनाल्डो विना नै मैदानमा उत्रिएको पोर्चुगलको जितमा आन्द्रे सिल्भा, ओटाभियो र ब्रुनो फर्नान्डेसले एक एक गोल गरेका हुन् । कतारका लागि एकमात्र गोल एबेडेलकरिम हसनले गोल गरेका थिए ।
रोनाल्डो इंग्ल्याण्ड गएको केहि घण्टामा भएको खेलको २३ औं मिनेटमा आन्द्र सिल्भाले जोओ मारियोको पासमा सिल्भाले गोल गरेका हुन् ।
त्यसैगरि अर्को मिनेटमा कतारी टिमको तालमेल नमिल्दा ओटाभियोले गोल गर्दै टिमलाई दुई शुन्यले अगाडी राखेकाे थियाे ।
पहिलो हाफमा दुई शुन्यले पछाडी परेको कतारले ६१ औं मिनेटमा हसनको गोलमा अन्तर दुई एकमा पुर्यायो । त्यसपछि ८७ औं मिनेटमा पोर्चुगलले पेनाल्टी पायो । उसका लागि फर्नान्डेसले गोल गरे थिए ।
त्यसपछि दुबै टिमबाट थप गोल हुन सकेन र पोर्चुगलले तीन एकको जित हासिल गर्याे ।
कार्यविधि संवाददाता । २० भाद्र २०७८, आईतवार ०८:४३ बजे