सुर्खेत – सुर्खेतबाट जुम्ला जाँदै गरेको यात्रु बाहक बस दैलेखमा दुर्घटना भएको छ । कर्णाली राजमार्ग अन्तर्गत दैलेख दुल्लु नगरपालिका–१ दारेभिरमा दुर्घटना भएको हो । दुर्घटनामा परेर एक जनाको मृ’त्यु र ९ जना सामान्य घाइते भएको दैलेख प्रहरीले बताएको छ ।
मृ’त्यु हुनेमा अछाम घर भएका भक्तबहादुर शाही रहेको प्रहरीले जनाएको हो । सुर्खेतबाट जुम्ला हिँडेको ना ६ ख ९२२ नम्बरको बस दारेभिर नजिकै अनियन्त्रित भएर शनिबार राती ८ बजेतिर दुर्घटना भएको जिल्ला प्रहरी कार्यालय दैलेखका डीएसपी अनुप श्रेष्ठले जानकारी दिए ।
श्रेष्ठका अनुसार, बसमा ३५ देखि ५० जना यात्रु सवार रहेको बुझिएको छ । उक्त दुर्घटनामा ९ जना सामान्य घाइते भएका छन् । बस अनियन्त्रित भएर दुर्घटना भएको भनिएपनि खास कारण खुलेको छैन ।प्रहरी चौकी तल्लो डुङगेश्वर बाट प्रहरी सहायक निरीक्षक अमर कार्कीको कमाण्डमा ३ जना र ई.प्र.का दुल्लु बाट प्र.नि नेत्र बुढाको कमाण्डमा ७ जनाको टोली दुर्घटनास्थलमा पुगेर उद्धारको काम र थप अनुसन्धान कार्य भईरहेको प्रहरीले बताएकाे छ ।
कार्यविधि संवाददाता । २४ आश्विन २०७८, आईतवार ०६:५६ बजे