सत्तरी हजार बेरुजु फछ्र्यौट नगर्ने नेकपा एमालेका एक उम्मेदवार विरुद्ध उजुरी परेको छ।
काठमाडौं प्रदेश सभा (२) का सुवर्ण श्रेष्ठले शंखरापुर नगरपालिकको प्रमुख रहँदा गैरकानुनी लिएको रकमलाई महालेखाले बेरुजुका रुपमा औल्याउँदै फिर्ता गर्न निर्देशन दिएपनि नगरेको भन्दै श्रेष्ठको उम्मेदवारी नै खारेजीको माग गर्दै उजुरी परेको हो।
उनका प्रतिस्पर्धी गठबन्धनका उम्मेदवार एकीकृत समाजवादीका भरतप्रसाद फुयालले उजुरी दर्ता गरेका हुन्। आइतवार दर्ता भएका उम्मेदवारविरुद्ध उजुरी दिन निर्वाचन आयोगले सोमवार बिहान १० बजेदेखि दिउँसो ३ बजेसम्म समय दिएको थियो।
काठमाडौं २ की निर्वाचन अधिकृत बिमला रेग्मीका अनुसार उजुरी उपर भोलिसम्म छानबिन गरेर निर्णय लिइनेछ । ‘उनले यसअघि नै बेरुजु फछ्र्यौट गरेको निस्सा ल्याएमा उजुरी खारेज हुन्छ, अन्यथा उम्मेदवारीबारे कानुन बमोजिम निर्णय गर्छौ।’
निर्वाचन आचारसंहिता २०७९ मा उम्मेदवार हुनु अघि कुनै पनि व्यक्तिले बेरुजु भए त्यसको फछ्र्यौट गर्नु पर्ने उल्लेख गरेको छ। फछ्र्यौट नगरेमा निर्वाचन आयोग ऐन २०७३ को दफा २३ तथा आचार संहिताको दफा ४६ बमोजिम उम्मेदवारी नै खारेज हुने कानुनी व्यवस्था रहेको बिषयलाई पनि उजुरीकर्ताले स्मरण गराएका छन् ।
काठमाडौं २ की निर्वाचन अधिकृत बिमला रेग्मीका अनुसार उजुरी उपर भोलिसम्म छानबिन गरेर निर्णय लिइनेछ । ‘उनले यसअघि नै बेरुजु फछ्र्यौट गरेको निस्सा ल्याएमा उजुरी खारेज हुन्छ, अन्यथा उम्मेदवारीबारे कानुन बमोजिम निर्णय गर्छौ।’
श्रेष्ठले शंखरापुर नगरपालिकको प्रमुख रहँदा आर्थिक वर्ष २०७६ तथा ७७ मा कोरोना महामारी नियन्त्रण गर्ने नाममा ७० हजार ६ सय १८ रुपैयाँ भत्ता लिएको महालेखाको वार्षिक प्रतिवेदनमा औंल्याइएको उजुरीमा उल्लेख छ।
उक्त भत्ता बागमती प्रदेश सरकारद्वारा जारी गरिएको स्थानीय तहका पदाधिकारी तथा सदस्यहरुको सुविधा सम्बन्धी ऐन २०७५ विपरीत रहेको भन्दै उजुरी परेको हो।
कार्यविधि संवाददाता । २४ आश्विन २०७९, सोमबार १९:४८ बजे