सुर्खेतमा पिकनिक खान गएकाहरु सवार गाडी दुर्घटनामा परेको छ ।
बुधबार जिल्लाको रामघाटबाट पिकनिक (वनभोज) खान वीरेन्द्रनगरको कटकुवा गएर फर्किँदै गरेको गाडी दुर्घटनामा परेको हो ।
सुर्खेत प्रहरीका अनुसार कर्णाली प्रदेश ०२००१ ख १८८ नम्बरको फोर्स गाडी कपासे नजिकै रहेको नेपाली सेनाको गेट अगाडिको मोडबाट खानेपानी ट्यांकीतर्फ खसेको छ । गाडीमा २६ जना सवार रहेको र ती सबै घाइते भएको जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक वीरेन्द्रविर विश्वकर्माले जानकारी दिए ।
घाइतेमध्ये दुई जनाको अवस्था गम्भीर केही मध्यम खालको छन् भने केही सामान्य घाइते रहेकाे डिएसपी विश्वकर्माले बताए ।
सबैलाई उपचारका लागि प्रदेश अस्पतालमा पठाइएको उनले बताए ।
कार्यविधि संवाददाता । २० कार्तिक २०८१, बुधबार २०:४४ बजे