सुनसरीको बर्जु गाउँपालिकाका इन्जिनियर अजयकुमार मेहता २० हजार रुपैयाँ घुससहित पक्राउ परेका छन्।
उनलाई विराटनगर महानगरपालिका वडा नम्बर ५ पुल्चोक छेउबाट दिउँसो २० हजार रुपैयाँ घुस लिँदालिँदै नियन्त्रणमा लिइएको प्रेेस विज्ञप्ति मार्फत आयाेगले जनाएकाे छ ।
पूर्णपाठ प्रेेस विज्ञप्तिमा :-
जिल्ला सुनसरी, बर्जु गाउँपालिकाका इन्जिनियर अजय कुमार मेहताले घर नक्सा पासको लागि सेवाग्राहीसँग घुस/रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, इटहरीबाट खटिई गएको टोलीले निज इन्जिनियर अजय कुमार मेहतालाई सेवाग्राहीबाट रु.२०,०००।– (बीस हजार रुपैयाँ) घुस/रिसवत लिइसकेको अवस्थामा उक्त रकमसहित विराटनगर महानगरपालिका वडा नं. ५, पुल्चोक छेउबाट आज मिति २०७९/१२/२७ गते नियन्त्रणमा लिई थप अनुसन्धान भइरहेको छ ।
प्रवक्ता
भोला दाहाल
कार्यविधि संवाददाता । २७ चैत्र २०७९, सोमबार २०:४४ बजे