गएराति कालीकाेटकाे शुभकालीका गाउँपालिका-६ को गविरामा जीप दुर्घटना हुँदा तीन जनाकाे मृत्यु भएकाे छ ।
कालीकाेटकाे बेउली पान्तडी सडक खण्डको चौकी बजारबाट हाउडी हुँदै शुभकालीका जाँदै गरेको लु १ च ८४९८ नम्बरको जीप गविरामा दुर्घटना भएकाे प्रहरीले बताएकाे छ ।
जिल्ला प्रहरी कार्यालय कालीकोटका प्रमुख डीएसपी जयश्वर रिमालका अनुसार दुर्घटनामा जीप चालक शुभकालीका-२ का ३० वर्षीय हर्क विश्वकर्मा, शुभकालीका-८ का ३१ वर्षीय रामबहादुर शाही र दैलेख नौमुले-३ का २५ वर्षीय गोपाल सलामी मगरकाे ज्यान गएकाे छ । घटनाबारे थप जानकारी आउन बाँकी रहेकाे रिमालले बताए ।
कार्यविधि संवाददाता । २८ जेष्ठ २०८०, आईतवार ०७:२५ बजे