सल्यानमा जिप दुर्घटना हुँदा ५ जना घाइते भएका छन्। जसमध्ये ३ काे अवस्था गम्भिर रहेकाे छ ।
दाङ तुलसीपुरबाट रोल्पाको सिमपानी जाँदै गरेको लु १ ज १४२४ नम्बरको सफारी जिप सल्यान कपुरकोट गाउँपालिका-१ सारपानी खोरबारेमा आइतबार दिउँसो दुर्घटना भएको हो।
दुर्घटनामा सल्यान त्रिवेणी गाउँपालिका-२ सिमखोलाकी ४२ वर्षीया निमकुमारी बुढा, सोही ठाउँकी २५ वर्षीया रिमाकुमारी बुढा, रोल्पा त्रिवेणी गाउँपालिका-४ सिमपानीकी २१ वर्षीया प्रगति घर्ती र सल्यान त्रिवेणी गाउँपालिका-२ सिमखोलाका ४८ वर्षीय खडकबहादुर बुढा रहेको जिल्ला ट्राफिक प्रहरी कार्यालय सल्यानले जनाएको छ।
घाइते सबैलाई प्रादेशिक अस्पताल दाङ तुलसीपुर बाट नेपालगंज रिफर गरिएकाे जिल्ला ट्राफिक प्रहरी कार्यालय सल्यानका सूचना अधिकारी एवं प्रहरी सहायक निरिक्षक लक्ष्मण विकले बताएका छन् । घाइतेमध्ये निमकुमारी, रिमा र प्रगतिको अवस्था गम्भीर रहेको छ भने अन्यको सामान्य रहेको उनको भनाई छ।
कार्यविधि संवाददाता । ६ कार्तिक २०७९, आईतवार २०:०८ बजे