आज तराईका क्षेत्रमा हुस्सु ,कुहिरो र पहाडी भेगमा बिहान आंशिक बदलीकाे माैसम रहेको छ ।
दिउँसो प्रदेश– १, मधेस प्रदेश, वाग्मती प्रदेश , गण्डकी प्रदेशमा आंशिक बदली र बाँकी भू–भागमा मौसम सामान्यतया सफा रहने र जल तथा मौसम विज्ञान विभागले जनाएकाे छ ।
विभागले आज राति प्रदेश–१ मा आंशिक बदली रही बाँकी भू–भागमा मौसम सामान्यतया सफा रहने जनाएको छ ।
तराई र भित्री मधेशमा बिहानीपख हुस्सु/कुहिरो लागेर दैनिक जनजीवन, स्वास्थ्य, सडक तथा हवाई यातायातमा समेत सामान्य प्रभाव पर्न सक्ने सम्भावना रहेकाले आवश्यक सावधानी अपनाउन विभागको आग्रह छ ।
नेपालको मौसमी प्रणालीमा अरब सागरबाट आएको जलवाष्पयूक्त वायुको प्रभाव रहेको छ । यसका साथै पश्चिमी न्यूनचापीय प्रणालीको आंशिक प्रभाव पनि रहेको छ ।
कार्यविधि संवाददाता । १३ माघ २०७९, शुक्रबार ०७:०१ बजे