विध्यालय शिक्षा विधेयकको विरोधमा आज ११ बजेदेखि माइतीघर मण्डलामा शिक्षक कर्मचारीहरू काठमाडौं केन्द्रित आन्दोलनमा उत्रिँदै छन् ।
नेपाल शिक्षक महासंघले गत भाद्र २९ गते शुक्रबारका दिन पत्रकार सम्मेलन गरी असोज ३ देखि देशभरका सबै विद्यालय बन्द गरी काठमाडौं केन्द्रित विरोधका कार्यक्रम गर्ने घोषणा गरेको थियाे ।
विद्यालय शिक्षा विधेयकको विरोधमा काठमाडौंमा सडक आन्दोलन गर्नका लागि ७७ वटै जिल्लाबाट राहत, करार, बाल विकास, स्थायी लगायतका शिक्षक कर्मचारी काठमाडौं आएका छन् ।
नेपाल शिक्षक महासङ्घको आह्वानमा आज ११ बजेदेखि माइतीघर मण्डलामा विरोध प्रदर्शन प्रारम्भ हुँदैछ ।
कार्यविधि संवाददाता । ३ आश्विन २०८०, बुधबार १०:०६ बजे