सुर्खेतकाे वीरेन्द्रनगर नगरपालिका-११ को झुप्रा खोलामा जीप दुर्घटना हुँदा चालकसहित चार जनाको ज्यान गएको हो ।
गएराति साढे दुई बजेतिर बा ०१०२६ च ९२१३ नम्बरको जीप दुर्घटनामा परेकाे थियाे । प्रहरीले दुर्घटनामा परेका घाइतेहरुकाे उद्दार गरी प्रदेश अस्पताल सुर्खेतमा पठाएकाे थियाे ।
घाइते मध्ये मृत्यु हुनेमा चालक वीरेन्द्रनगर-७ का २७ वर्षका सागर शाही, दैलेख भगवती गाउँपालिका-५ का ३१ वर्षका बबिन शाही, दैलेख डुंगेश्वर गाउँपालिका-३ का ३३ वर्षका दीपेन्द्रजङ्ग शाही र गुराँस गाउँपालिका-३ का ३६ वर्षका राजेन्द्र बीसीको ज्यान गएको सुर्खेत प्रहरीले जनाएको छ ।
यस्तै, २५ वर्षका भैरवी गाउँपालिका-५ का वीरेन्द्रराज शाही भने घाइते हुनुभएको छ । उहाँको कर्णाली प्रदेश अस्पताल सुर्खेतमा उपचार भइरहेको प्रहरीले जनाएको छ ।
कार्यविधि संवाददाता । ८ माघ २०७९, आईतवार ०८:४३ बजे