खुला सीमाको फाइदा उठाउँदै बाँकेकाे नेपालगंज नाकाबाट कर्णाली भित्र्याइँदै गरेका लागु पदार्थसहित मान्छे पक्राउ पर्ने सुर्खेतमा दिनहुँ जस्तो छ। 
लागु पदार्थ कारोबारी तथा सेवनकर्ता प्रायः दिनहुँ पक्राउ पर्ने गरेकाे जिल्ला प्रहरी कार्यालय सुर्खेतले बताएकाे छ।
नेपालकाे सबैभन्दा धेरै लागु पदार्थ काराेबाराे गर्ने नेपालका चार जिल्ला मध्ये सुर्खेतकाे छिमेकी जिल्ला बाँके पनि एक हाे ।
जिल्ला प्रहरी कार्यालय सुर्खेतले गत छ महिनामा १ सय १ ग्राम, १ सय ९० मि.ग्राम ब्राउन सुगरसहित ४५जनालाई पक्राउ गरेर मुद्दा चलाएको प्रहरी नायव उपरीक्षक सुरज कार्कीले जानकारी दिए। 
गत वर्षको बरामदको परिणामलाई यो वर्षको छ महिनाले नै पछाएकाे छ। गत वर्ष करिब १ सय ८७ मि .ग्राम ब्राउन सुगर बरामद भएको थियो।
गत वर्ष सुर्खेतमा ६९ जना लागु पदार्थ सेवनकर्ता तथा कारोबारी पक्राउ परेका थिए भने यो वर्षको छ महिनाको अवधिमा ४५ जना पक्राउ परेका छन्। 
प्रहरीकाे विवरणमा सेवनकर्ता तथा काराेबाराे गर्नेकाे संख्या बढे पनि सामाजिक रुपमा घटेकाे बुझिन्छ ।
कार्यविधि संवाददाता । १९ माघ २०७९, बिहीबार १७:२३ बजे