टीकापुर घटनाकाे आराेपी रेशमलाल चौधरीमाथिको जन्मकैदको सजाय सर्वोच्च अदालतले सदर गरेको छ । यस अघि जिल्ला अदालत र उच्च अदालतले पनि सदर गरेको थियाे ।
मंगलबार सर्वाेच्चका न्यायाधीशद्व डा. आनन्दमोहन भट्टराई र नहकुल सुवेदीको इजलासले टिकापुर घटनाका मुख्य दोषी चौधरीलाई यसअघि जिल्ला र उच्च अदालतले सुनाएको जन्मकैदको सजाय सदर गरेको हो । 
२०७२ भदौमा कैलालीको टिकापुरमा भएको थरुहट आन्दोलनमा नेपाल प्रहरीका एसएसपी लक्ष्मण न्यौपानेसहित ७ जना सुरक्षाकर्मी र एक जना नाबालकको निर्मम हत्या भएको थियो । उक्त हिंसात्मक घटनाका मुख्य आरोपी चौधरी रहेको जिल्ला अदालत कैलाली र उच्च अदालत दिपायल ठहर छ । र, उक्त फैसलासँगै अहिले चौधरीले जन्मकैदको सजाय भोगिरहेका छन् ।
अदालतले फैसलापछि चौधरीले सर्वोच्चमा पुनरावेदन निवेदन दिएका थिए । तर, सर्वाेच्चले पनि जिल्ला र उच्च अदालतको फैसला सदर गरेको छ । सर्वाेच्चको फैसलासँगै उनी जेलबाट छुट्ने छैनन् ।
कार्यविधि संवाददाता । २ जेष्ठ २०८०, मंगलवार १८:४२ बजे