मकवानपुर — त्रिभुवन राजपथअन्तर्गत मकवानपुरको राप्ती खोलामा शुक्रबार बिहान मालवाहक ट्रक खस्दा एक जनाको मृत्यु र दुई जना घाइते भएक छन् ।
भीमफेदी गाउँपालिका–१ सानुटारमा फलाम बोकेर काठमाडौं जाँदै गरेको प्रदेश १–०२–००१ ख ७५९ नम्बरको आइचर ट्रक आफैं नियन्त्रित नभई राप्ती खोलामा खसेको मकवानपुर प्रहरी जनाएकाे छ ।
मृत्यु हुनेमा सिन्धुली लम्पटारका २८ वर्षीय भगवान् बस्नेत रहेको मकवानपुर प्रहरी प्रवक्ता प्रहरी नायब उपरीक्षक जयश्वर रिमालले जानकारी दिए । उनका अनुसार ट्रकमा सवार बस्नेतको घटनास्थलमै ज्यान गएको हो ।
घाइते हुनेमा ट्रक चालक मोरङको सुन्दरहरैचा गाउँपालिका–८ का ३१ वर्षीय राजन बास्कोटा र सहचालक सोही ठाउँका २४ वर्षीय सरोज आचार्यकाे हेटौंडा–११ मा रहेको चुरेहिल अस्पतालमा उपचार भइरहेको प्रहरी प्रवक्ता रिमालले बताएका छन् ।
कार्यविधि संवाददाता । ११ भाद्र २०७८, शुक्रबार १०:१८ बजे