आज एसईईकाे पहिलाे दिन अंग्रेजी विषयको परीक्षामा अनिवार्य नेपालीको प्रश्नपत्र पुगेपछि धनुषा औरही गाउँपालिकामा रहेको एक परीक्षा केन्द्रमा निर्धारित समयभन्दा ढिलो परीक्षा शुरू भएको छ।
चक्कर मावि परीक्षा केन्द्रमा अंग्रेजीको प्रश्नपत्र पुग्नुपर्नेमा नेपालीको पुगेपछि परीक्षा एक घण्टा ढिलो शुरू भएको हाे ।
परीक्षा बिहान ८ बजेदेखि शुरू हुने तालिका थियो तर नाै बजे देखि शुरु भयाे ।
प्राविधिक गडबडीले अर्को विषयको प्रश्नपत्र पुगेको हो। त्यहाँ मुचुल्का गरेर परीक्षा सञ्चालनमा ल्याइएको जिल्ला शिक्षा समन्वय ईकाईका प्रमुख युक्त शर्माले बताए ।
कार्यविधि संवाददाता । १७ चैत्र २०७९, शुक्रबार ११:२४ बजे