पार्किङ गरेर राखेको भारतीय नम्बर प्लेटको स्कोरपिओ गाडीभित्र पेस्तोल फेला परेको प्रहरी जनाएकाे छ ।
बीआर ०६ पीए १३६३ नम्बरको स्कोरपिओको ड्यासबोर्डभित्र कालो कपडाले बेरेर राखेको अवस्थामा मोरङको धनपालथान गाउँपालिका-२ पैठामा शुक्रबार राती कटुवा पेस्तोल भेटिएको हो ।
पेस्तोल र ३ राउण्ड गोलीसहित सर्लाहीको हरिपूर्वा नगरपालिका-७ का २७ वर्षीय रवीन्द्रकुमार यादवलाई नेपाल जनपद तथा सशस्त्र प्रहरीको संयुक्त गस्ती टोलीले पक्राउ गरेको छ। पेस्तोर र गोली कहाँबाट ल्याएको भन्ने खुल्न बाँकी रहेको प्रहरीले जनाएको छ।
पक्राउ परेका यादवलाई इलाका प्रहरी कार्यालय रंगेलीमा राखेर थप अनुसन्धान अघि बढाइएको छ ।
कार्यविधि संवाददाता । ४ कार्तिक २०८०, शनिबार ०८:०५ बजे