गुर्भाकाेट नगरपालिका स्थित ५० शैय्या क्षमताकाे मेहलकुना अस्पतालको भवन अलपत्र परेको छ वर्ष भएकाे छ।
५० बेड क्षमतामा स्तरोन्नतिसहित निर्माणधीन मेहलकुना अस्पतालको भवन अलपत्र पार्ने एन.के. लाेहनी के. एस. के जेवी निर्माण कम्पनीले ठेक्का लिएको ६ वर्षअघि नै बनिसक्नुपर्ने भवनको साठी प्रतिशत मात्रै प्रगति भएको अस्पतालले जानकारी दिएकाे छ । 
तत्कालिन सहरी विकास तथा भवन निर्माण डिभिजन कार्यालय , सुर्खेत र एन.के. लाेहनी के. एस. के जेवी निर्माण कम्पनीबिच आव २०७३ / ०७४ मा २८ करोड लागत अनुमान गरिएको भवनकाे २१ करोड १६ लाखमा ठेक्का सम्झौता गरेको अस्पताल सूचना अधिकारी कमल सुवेदीले बताए ।
आव २०७६ /०७७ मा भवन निर्माण सक्ने लक्ष्य लिएकाे कम्पनीकाे अझै बाँकी काम छ । अलपत्र भवनकाे पाँच वटा ब्लक रहेका छन् । निर्माण व्यवसायीको चरम ढिलासुस्ती र लापरबाहीका कारण मेहलकुना अस्पतालको निर्माणाधीन भवन ढिलासुस्तीको नमुना बनेको छ ।
आगामी आवकाे अषाढ मसान्त सम्म निर्माणकार्य सम्पन्न गर्ने सम्झौता भए पनि योजना अलपत्र परेपछि अहिले चौतर्फी आलोचना र गुनासो बढेको छ ।
मेहलकुना अस्पताल व्यवस्थापन समितिका सदस्य बृख बहादुर नेपालीले ठेकेदारले पर्याप्त मात्रामा मजदुर परिचालन गर्न र निर्माण सामग्री जुटाउन नसक्दा भवन निर्माणमा ढिलाइ भएको बताए। ’ उनले भने ‘करोडौंको योजनामा झारा टार्ने शैलीमा काम गरेका छन्।’
पटकपटक ताकेता र समन्वय गर्दा समेत निर्माण व्यवसायी काममा नफर्किएपछि भवन अलपत्र परेको सदस्य नेपालीले बताए । भवन निर्माणमा भएको ढिलाइले सेवा प्रवाहमा असर परेको छ। ५० शैय्या क्षमता भए पनि २२ शैय्याको अस्थायी संरचना र पूर्वाधारबाट सेवा दिन बाध्य भएको सदस्य नेपालीले बताए। 
लामो समयदेखि निर्माण हुन नसकेको मेहलकुना अस्पतालको भवनकाे आव २०७९/०८० सम्म निर्माण कार्य सम्पन्न नभएमा ठेक्का सम्झौता तोड्नका लागि प्रक्रिया अगाडि बढेकोे सहरी विकास तथा भवन निर्माण विभाग संघीय आयोजना कार्यान्वयन इकाइ , सुर्खेतका कार्यालय प्रमुख अमर बहादुर थापाले बताए । 
अहिले अलपत्र भवनकाे काम तिव्र गतिले अघि बढ्काे छ। यदि ताेकेकाे काम पुरा नभए निर्माण कम्पनीलाई कालोसुचीमा राख्ने, धरौटी जफत गरी छ वर्ष सम्म अलपत्र पारेबापतको क्षतिपूर्ति समेत ठेकेदार कम्पनीबाट भराउने गरि कारबाही प्रक्रिया अघि बढेको प्रमुख थापाले बताए। मध्यान्ह दैनिक
कार्यविधि संवाददाता । २१ मंसिर २०७९, बुधबार ११:५७ बजे