Skip to content
३०२ औं पृथ्वी जयन्ती तथा राष्ट्रिय एकता दिवसको अवसरमा राप्रपा र राप्रपा नेपालले छुटाछुट्टै चियापान कार्यक्रमको आयोजना गरेका छन्।
राजेन्द्र लिङ्देन नेतृत्वको राप्रपाले अपरान्ह्र १ बजेदेखी भृकुटीमण्डपमा चियापान कार्यक्रमको आयोजना गरेको छ ।
उता कमल थापा नेतृत्वको राप्रपा नेपालले सोही समयमा सिंहदरबार पश्चिमगेटस्थित स्काइ दरबार बैंक्वेटमा चियापान कार्यक्रमको आयोजना गरेको छ।
पृथ्वीनारायण शाहको जन्मजयन्तीको अवसरमा विगतमा नेपालमा सार्वजनिक बिदा दिने प्रचलन थियो ।
०६२/६३ को जनआन्दोलनपछि बिदा दिन छाडिएको थियो ।
नेपाल एकीकरणकर्ता पृथ्वीनारायण शाहको जन्मदिनमा राष्ट्रिय एकता दिवसका रूपमा मनाइने प्रचलन हटेयता विरोध हुँदै आएको थियो ।
दाहालकै दबाबमा पृथ्वी जयन्ती सरकारी तहबाट मनाउन छाडिएकामा उनी प्रधानमन्त्री भएकै पालामा पुनः सार्वजनिक बिदा दिने निर्णय भएको हो ।
कार्यविधि संवाददाता । २७ पुष २०८०, शुक्रबार ०८:११ बजे